சேலம் மத்திய சிறையில் கஞ்சா பொட்டலம் வீசியது யார்? விசாரணை

சேலம் மத்திய சிறைக்குள் நேற்று வெளியில் இருந்து ஒரு பொட்டலம் திடீரென விழுந்தது. சிறையின் பின்பகுதியில் இருந்து வீசப்பட்ட அந்த பொட்டலம் 15-வது பிளாக் அருகில் விழுந்தது. உதவி சிறை அலுவலர் மனோஜ் கண்டெடுத்து சிறை கண்காணிப்பாளர் வினோத்திடம் ஒப்படைத்தார். பொட்டலத்தை பிரித்தபோது 115 கிராம் கஞ்சாவும், 3 பாக்கெட் ஹான்சும் இருந்தது. வெளியில் இருந்து சிறைக்குள் கஞ்சா பொட்டலத்தை வீசியது யார் என சிறைத்துறை அதிகாரிகள் விசாரணை நடத்தி வருகின்றனர். கண்காணிப்பு கேமராக்களையும் ஆய்வு செய்து வருகின்றனர்.