சேலம் அருகே அரசு பள்ளியில் மடிக்கணினிகள் திருட்டு

சேலம் ஆட்டையாம்பட்டி அருகே சீரகாபாடியில் உள்ள அரசு நடுநிலைப்பள்ளியில் நேற்று காலை ஆசிரியர்கள் பணிக்கு வந்தபோது, தலைமை ஆசிரியர் அறையின் பூட்டு உடைக்கப்பட்டு இருந்தது. உள்ளே சென்று பார்த்தபோது, அங்கிருந்த 5 மடிக்கணினிகள் திருட்டு போனது தெரியவந்தது. இது குறித்து ஆசிரியர் நாகராஜன் ஆட்டையாம்பட்டி போலீசில் புகார் அளித்தார். போலீசார் வழக்குப்பதிவு செய்து மர்ம நபர்கள் குறித்து விசாரணை நடத்தி வருகின்றனர்.