ஏற்காட்டில் அறுந்து கிடந்த மின் கம்பியை மிதித்த சிறுவன் சாவு

சேலம் மாவட்டம் ஏற்காட்டில் உள்ள தனியார் தோட்டத்தில் ஜார்கண்ட் மாநிலத்தைச் சேர்ந்த 20க்கும் மேற்பட்ட குடும்பத்தினர் தங்கி பணியாற்றி வருகின்றனர். இங்கு வேலை செய்யும் பகுன் சாய்-பில்லா சாய் தம்பதியின் 4 வயது மகன் லிபேடாசாய், வீட்டின் அருகே விளையாடிக் கொண்டிருந்தபோது அறுந்து கிடந்த மின் கம்பியை மிதித்து மின்சாரம் தாக்கி சம்பவ இடத்திலேயே பரிதாபமாக உயிரிழந்தான். இது குறித்து ஏற்காடு போலீசார் விசாரணை நடத்தி வருகின்றனர்.