இளமனூரில்பெயர் பலகை விவகாரம் 115 நபர்கள் மீது வழக்கு

சிவகங்கை மாவட்டம் இளையான்குடி அருகே இளமனூரில் சமூக அடையாள பலகை நிறுவலைத் தொடர்ந்து இரு சமூகத்தினர் இடையே மோதல் ஏற்பட்டது. இதில் சித்ரா, முருகேசன், முனியாண்டி ஆகியோர் காயமடைந்து மருத்துவமனையில் சிகிச்சை பெற்று வருகின்றனர். சித்ரா அளித்த புகாரின் பேரில், காவல்துறையினர் 115 நபர்கள் மீது SC/ST சட்டத்தின் கீழ் வழக்கு பதிவு செய்துள்ளனர். இதனால் அப்பகுதியில் பதற்றம் நிலவுகிறது. மோதலில் சில வாகனங்கள் சேதமடைந்துள்ளன, சிலர் கைது செய்யப்பட்டுள்ளனர். சமூக வலைதளங்களில் தவறான தகவல்கள் பரவாமல் இருக்க எச்சரிக்கை விடுக்கப்பட்டுள்ளது. சிவகங்கை மற்றும் ராமநாதபுரம் மாவட்டங்களில் காவல் பாதுகாப்பு பலப்படுத்தப்பட்டுள்ளது. பொதுமக்கள் அரசு விரைந்து நடவடிக்கை எடுக்க கோரியுள்ளனர்.