அண்ணாமலைக்கு சீமான் திடீர் ஆதரவு

'மும்பை மராத்தியர்களின் நகரம் அல்ல, பன்னாட்டு நகரம்' என்று தமிழக பாஜக முன்னாள் தலைவர் அண்ணாமலை பேசியது அவரது தனிப்பட்ட கருத்து, அதை எதிர்ப்பதும் ஏற்பதும் அவரவர் ஜனநாயக உரிமை என்று நாதக தலைமை ஒருங்கிணைப்பாளர் சீமான் கூறியுள்ளார். 'மும்பைக்கு வந்தால் அண்ணாமலையின் கால்களை வெட்டுவேன்' என்று நவ நிர்மாண் சேனா கட்சி தலைவர் ராஜ் தாக்கரே பேசியது கடும் கண்டனத்திற்குரியது என்று சீமான் தெரிவித்துள்ளார். அண்ணாமலை ஒரு தனி நபர் மட்டுமல்ல, தமிழ்த்தேசிய இனத்தின் மகன் என்றும் குறிப்பிட்டுள்ளார்.