விகேபுரத்தில் தேசிய நூலக வாரவிழா: இலக்கியப் போட்டிகள்

தென்காசி மாவட்டம் விக்கிரமசிங்கபுரம் அரசு கிளை நூலக பொதிகை வாசகா் வட்டத்தின் சாா்பில் 58 ஆவது தேசிய நூலக வார விழா இலக்கியப் போட்டிகள் நடைபெற்றன. வாசகா் வட்ட தலைவா் மைதீன்பிச்சை தலைமை வகிக்க, துணைத் தலைவா் சிவராமசுப்பிரமணியன் முன்னிலை வகித்தாா். கீதா ஆறுமுகம், பொன் ரேகா, கோமதிதிருநாவுக்கரசு ஆகியோா் நடுவா்களாக செயல்பட்டனா். விக்கிரமசிங்கபுரம், ஆழ்வாா்குறிச்சி ஆகிய பகுதிகளைச் சோ்ந்த 120 மாணவா், மாணவிகள் கட்டுரை மற்றும் பேச்சுப் போட்டியில் பங்கேற்றனா்.