திருநறையூரில் மார்ச். 6 சனிப்பெயர்ச்சி விழா
கும்பகோணம் அருகே திருநறையூரில் உள்ள ராமநாத சுவாமி கோயில் வளாகத்தில் அருள்பாலிக்கும் மங்கள சனிபகவான், வரும் வெள்ளிக்கிழமை (மார்ச் 6) கும்ப ராசியிலிருந்து மீன ராசிக்கு பெயர்ச்சி அடைகிறார். இந்த சனிப்பெயர்ச்சியின் போது, கும்பம், மீனம், மேஷம், சிம்மம், தனுசு ஆகிய ராசிக்காரர்கள் பரிகாரம் செய்து கொள்ள அறிவுறுத்தப்பட்டுள்ளனர். சனிப்பெயர்ச்சி அன்று சிறப்பு ஹோமம், அபிஷேகம் மற்றும் தீபாராதனை நடைபெறும். இதற்கான ஏற்பாடுகளை கோயில் செயல் அலுவலர் பா. பிரபாகரன் மற்றும் பணியாளர்கள் செய்து வருகின்றனர்.
