நாச்சியார்கோவில்: வீடு தீப்பிடித்து எரிந்து நாசம்

நாச்சியார்கோவில் அருகே கோமளவள்ளிப்பேட்டையைச் சேர்ந்த கூலித் தொழிலாளி ஜெயச்சந்திரன், குடும்பத்துடன் கோவில் திருவிழாவிற்குச் சென்றிருந்த போது அவரது வீடு தீப்பற்றி எரிந்தது. கும்பகோணம் தீயணைப்புத் துறையினர் சுமார் 1.30 மணி நேரம் போராடி தீயை அணைத்தனர். இந்த விபத்தில் ரூ. 2 லட்சம் மதிப்புள்ள பொருட்கள் மற்றும் கல்விச் சான்றிதழ்கள் எரிந்து நாசமடைந்ததாக நாச்சியார்கோவில் காவல் நிலையத்தில் புகார் அளிக்கப்பட்டதைத் தொடர்ந்து, போலீசார் வழக்குப் பதிவு செய்து விசாரித்து வருகின்றனர்.