சீமான் வெற்று விளம்பரம் தேட முயற்சி: கோவி. செழியன்

கும்பகோணம் அருகேயுள்ள திருநறையூரில் வியாழக்கிழமை தமிழக உயர் கல்வித்துறை அமைச்சர் கோவி. செழியன் செய்தியாளர்களிடம் பேசுகையில், வாக்காளர் பட்டியல் திருத்தப் பணி என்ற பெயரில் மத்திய பாஜக அரசு சிறுபான்மையினர், பட்டியலின மக்களை பாதிக்கும் நடவடிக்கைகளை மேற்கொள்வதாகவும், வெளி மாநிலத்தவரை தமிழகத்தில் சேர்க்க முயற்சிப்பதாகவும் குற்றம் சாட்டினார். எதிர்க்கட்சியான அதிமுக மெளனமாக இருப்பதாகவும் அவர் கூறினார். தகுதிவாய்ந்த வாக்காளர்கள் யாரும் விடுபடக்கூடாது என்பதில் முதல்வர் கவனம் செலுத்துவதாகவும் தெரிவித்தார். சீமான் தனியாா் பல்கலைக்கழகங்கள் சட்டத்தை நிரந்தரமாக நீக்கக் கோரி ஆா்ப்பாட்டம் நடத்தப் போவதாக கூறியது குறித்து, அந்த சட்டம் முறையாக மறு ஆய்வு செய்யப்பட்டு திரும்பப் பெறப்பட்டதாகவும், முதல்வர் அதை மீண்டும் கொண்டு வரமாட்டார் என்றும் அமைச்சர் உறுதிபடக் கூறியுள்ளதாக தெரிவித்தார்.