கும்பகோணம் அருகே அதிகாலையில் பயங்கர வெடி விபத்து

கும்பகோணம் அருகே மணப்படையூரில் உள்ள 'அன்னை மாதா' நாட்டு வெடி தயாரிப்பு கூடத்தில் இன்று (மே 15) அதிகாலை பயங்கர வெடி விபத்து நிகழ்ந்தது. இதனால் ஒரு கட்டிடம் தரைமட்டமானது. கடந்த 9-ஆம் தேதி இதே இடத்தில் விபத்து நடந்த நிலையில், ஒரு வாரத்திற்குள் மீண்டும் விபத்து நிகழ்ந்திருப்பது கிராம மக்களிடையே அச்சத்தை ஏற்படுத்தியுள்ளது. அதிர்ஷ்டவசமாக, அதிகாலை நேரம் என்பதால் உயிர்ச்சேதம் தவிர்க்கப்பட்டது. இதுகுறித்து சுவாமிமலை காவல்துறையினர் தீவிர விசாரணை நடத்தி வருகின்றனர்.