ஒரத்தநாடு: நாளை மின் நுகர்வோர் குறைதீர் கூட்டம்

ஒரத்தநாடு மின்வாரிய கோட்ட செயற்பொறியாளர் (பொ) நல்லையன் வெளியிட்டுள்ள செய்திக்குறிப்பின்படி, மின் நுகர்வோர்களின் குறைகளைத் தீர்க்கும் பொருட்டு, மின்வாரிய மேற்பார்வை பொறியாளர் தலைமையில் குறை தீர்க்கும் கூட்டம் நாளை (வியாழக்கிழமை) காலை 11 மணி முதல் மதியம் 1 மணி வரை ஒரத்தநாடு மின்வாரிய செயற்பொறியாளர் அலுவலகத்தில் நடைபெற உள்ளது. ஒரத்தநாடு, ஊரணிபுரம், திருவோணம், வடசேரி, பாப்பாநாடு, உறந்தைராயன்குடிக்காடு, ஒக்கநாடுகீழையூர், பின்னையூர் பகுதிகளைச் சேர்ந்த பொதுமக்கள் இதில் கலந்துகொண்டு பயனடையலாம்.