பேராவூரணி அருகே வெறி நாய் கடித்து ஐந்து பேர் படுகாயம்

தஞ்சாவூர் மாவட்டம், பேராவூரணி அருகே சோழனார்வயல் கிராமத்தில் சனிக்கிழமையன்று வெறிநாய் ஒன்று ஐந்து பேரை கடித்து படுகாயப்படுத்தியுள்ளது. பாதிக்கப்பட்ட வினோதா (31), திவ்யா நீலகண்டன் (30), அன்வருதியின் (50), வினோத் (28), மற்றும் சுப்ரமணியன் (50) ஆகியோர் பேராவூரணி அரசு மருத்துவமனையில் சிகிச்சை பெற்று வருகின்றனர். மேலும், இந்த நாய் 10க்கும் மேற்பட்ட கால்நடைகளையும் கடித்ததாக கூறப்படுகிறது. கிராமங்களில் சுற்றித் திரியும் வெறி நாய்களைப் பிடித்து அப்புறப்படுத்த வேண்டும் என பொதுமக்கள் கோரிக்கை விடுத்துள்ளனர்.