டெல்டா பாசனத்துக்கு தண்ணீர் திறந்து விடக்கோரிக்கை

தமிழ்நாடு விவசாயிகள் சங்க மாநிலப் பொதுச் செயலாளர் சாமி. நடராஜன், விவசாயிகளுக்கு லாபகரமான குறைந்தபட்ச ஆதார விலையை (MSP) உறுதி செய்ய நாடாளுமன்றத்தில் சட்டம் இயற்ற வேண்டும் என்றும், நாடு முழுவதும் உள்ள விவசாயக் கடன்களை ஒருமுறை தள்ளுபடி செய்ய வேண்டும் என்றும் வலியுறுத்தினார். மின்சாரத் திருத்த மசோதா 2026 மற்றும் விதை மசோதா 2025 ஆகியவை விவசாயிகளுக்கு பாதிப்பை ஏற்படுத்தும் என்றும், டெல்டா மற்றும் சிவகங்கை மாவட்டங்களில் விவசாய நிலங்களை பாழ்படுத்துவதை நிறுத்த வேண்டும் என்றும் அவர் தெரிவித்தார். மேலும், கொப்பரைக்குப் பதில் உரித்த தேங்காயை நேரடியாகக் கொள்முதல் செய்ய வேண்டும், நிவாரணத் தொகையை அதிகரிக்க வேண்டும், மற்றும் சம்பா, தாளடிப் பயிர்களைக் காக்க வெண்ணாறு, கல்லணை கால்வாயில் பிப்ரவரி 15 வரை தண்ணீர் திறந்து விட வேண்டும் என்றும் கோரிக்கை விடுத்தார்.