பூதலூர் பகுதிகளில் வைக்கோல் விலை வீழ்ச்சி: விவசாயிகள் கவலை

பூதலூர் சுற்றுவட்டாரப் பகுதிகளில் நெல் அறுவடை தீவிரமடைந்துள்ள நிலையில், வைக்கோல் கட்டு ஒன்றின் விலை 170 ரூபாயிலிருந்து 100-120 ரூபாயாக வீழ்ச்சியடைந்துள்ளது. வைக்கோல் உருட்டும் கூலியே 40 ரூபாய் வரை ஆவதால், இதனை விற்பனை செய்ய விவசாயிகள் ஆர்வம் காட்டவில்லை. இதனால், நெல்லைப் போலவே வைக்கோல் கட்டுக்கும் அரசு நியாயமான விலை நிர்ணயம் செய்ய வேண்டும் என பூதலூர் பகுதி விவசாயிகள் கோரிக்கை விடுத்துள்ளனர். இது விவசாயிகளின் வாழ்வாதாரத்தைப் பாதிக்கும் முக்கியப் பிரச்சனையாக உருவெடுத்துள்ளது.