தஞ்சை மாவட்டத்தில் தேசிய குடற்புழு நீக்க முகாம்

தஞ்சாவூர் மாவட்டத்தில் தேசிய குடற்புழு நீக்க முகாம் பிப்ரவரி 10 மற்றும் 17 ஆகிய தேதிகளில் இரண்டு கட்டங்களாக நடைபெறுகிறது. அரசு மற்றும் தனியார் பள்ளிகள், கல்லூரிகள், சுகாதார நிலையங்கள், அங்கன்வாடி மையங்களில் இந்த முகாம் நடக்கும். 1 முதல் 19 வயது வரையிலான குழந்தைகளுக்கும், 20 வயதுக்குட்பட்ட பெண்களுக்கும் குடற்புழு நீக்க மாத்திரை வழங்கப்படும். இதன் மூலம் இரத்த சோகை தடுக்கப்பட்டு, குழந்தைகளின் உடல் வளர்ச்சி மற்றும் அறிவுத்திறன் மேம்படும். தஞ்சாவூர் மாவட்டத்தில் சுமார் 5 லட்சத்து 80 ஆயிரம் குழந்தைகளும், ஒரு லட்சத்து 90 ஆயிரம் பெண்களும் இந்த முகாமால் பயனடைவார்கள் என மாவட்ட ஆட்சியர் பிரியங்கா பங்கஜம் தெரிவித்துள்ளார்.