ரசிகர்களை சிரிப்பலையில் ஆழ்த்திய நடிகர் மறைந்தார்

பிரபல மலையாள நடிகர், இயக்குநர், எழுத்தாளரான ஸ்ரீனிவாசன் (69) உடல்நலக்குறைவால் இன்று (டிச., 20) காலமானார். நகைச்சுவை, குணச்சித்திர கதாபாத்திரங்களில் தனது நடிப்பாற்றலால் ரசிகர்களை கவர்ந்திழுத்த இவர், மலையாளம், தமிழ் உள்ளிட்ட மொழிகளில் 225-க்கும் மேற்பட்ட படங்களில் நடித்துள்ளார். முன்னணி உச்ச நட்சத்திரங்களுடன் இணைந்து நடித்துள்ள இவருக்கு வினித் ஸ்ரீனிவாசன், தயன் ஸ்ரீனிவாசன் என்ற இரு மகன்கள் உள்ளனர். இவர்களும் நடிகர்கள், இயக்குநர்களாக உள்ளது குறிப்பிடத்தக்கது.