“தி கேரளா ஸ்டோரி - 2".. மஜக தலைவர் மு.தமிமுன் அன்சாரி எச்சரிக்கை

“தி கேரளா ஸ்டோரி - 2 படத்தை தமிழ்நாட்டில் திரையிட முயன்றால், ஜனநாயக சக்திகளை திரட்டி திரையரங்குகளை முற்றுகையிடும் போராட்டத்தை நடத்துவோம்" என அக்கட்சியின் தலைவர் மு.தமிமுன் அன்சாரி எச்சரிக்கை விடுத்துள்ளார். மேலும், “கலவரங்களை ஏற்படுத்துவதற்கு பெயர் திரைப்படம் என்றால், அதனை எதிர்ப்பதும் ஜனநாயக கடமை. இப்படத்தில் சமூக நல்லிணக்கத்தையும், பொது அமைதியும் கெடுக்கும் காட்சிகளும் வசனங்களும் உள்ளதால், திரையிடுவதை தவிர்க்குமாறு திரையரங்க உரிமையாளர்களை கேட்டுக்கொள்கிறோம்" என்றார்.