திருமணமான 5 மாதங்களில் இளம்பெண் மர்மமான முறையில் உயிரிழப்பு

பெரியபாளையம் அருகே அத்திவாக்கம் பகுதியைச் சேர்ந்த கௌசல்யா (20) என்பவரின் மரணம் குறித்து அவரது கணவர் ராஜேஷ் (30) மீது பொன்னேரி காவல் நிலையத்தில் புகார் அளிக்கப்பட்டுள்ளது. திருமணமான 5 மாதங்களில், கொத்தனார் வேலைக்குச் சென்றபோது தவறி விழுந்து தலையில் காயமடைந்ததாகக் கூறப்பட்ட நிலையில், மருத்துவமனையில் கௌசல்யா உயிரிழந்தார். பெண்ணின் தந்தை தலையிலும் முகத்திலும் காயங்கள் இருந்ததால் சந்தேகம் எழுப்பினார். பிரேத பரிசோதனைக்கு மருத்துவர்கள் பரிந்துரைத்த நிலையில், தாய் ரேவதி அளித்த புகாரின் பேரில் கணவர் ராஜேஷிடம் போலீசார் தீவிர விசாரணை நடத்தி வருகின்றனர். தடயவியல் நிபுணர்களின் உதவியுடன் தடயங்கள் சேகரிக்கப்பட்டு விசாரணை நடைபெறுகிறது.