கும்மிடிப்பூண்டி கெமிக்கல் தொழிற்சாலையில் தீ விபத்து

கும்மிடிப்பூண்டி அருகே கெமிக்கல் தொழிற்சாலையில் சல்பியூரிக் ஆசிட் சேமிப்புப் பகுதியில் இன்று (பிப்ரவரி 26) திடீரென தீ விபத்து ஏற்பட்டது. இதனால் தொழிற்சாலை முழுவதும் கரும்புகை சூழ்ந்து, சுமார் 5 கிலோமீட்டர் சுற்றளவிற்கு பரவியது. இந்த நச்சுப் புகையால் அருகில் உள்ள கிராம மக்களுக்கு மூச்சுத்திணறல் ஏற்பட்டதாகக் கூறப்படுகிறது. தீயணைப்பு வீரர்கள் போராடி தீயைக் கட்டுக்குள் கொண்டு வந்தனர். விபத்தில் தொழிற்சாலை கட்டிடம் சேதமடைந்துள்ளது. பாதிரிவேடு போலீசார் விசாரணை மேற்கொண்டு வருகின்றனர்.