பாஜக மகளிரணி சார்பில் கண்டன ஆர்ப்பாட்டம்

கோவையில் கல்லூரி மாணவிக்கு நடந்த கூட்டு பாலியல் வன்கொடுமையை கண்டித்து திருவள்ளூர் அரசு மருத்துவக் கல்லூரி முன்பு திருவள்ளூர் மேற்கு மாவட்ட பாரதிய ஜனதா கட்சியின் மகளிரணி சார்பில் கண்டன ஆர்ப்பாட்டம் நடைபெற்றது. இதில் பங்கேற்ற பாஜக தலைவர் அஸ்வின்குமார், பெண்களுக்கு பாதுகாப்பற்ற மாநிலமாக தமிழகத்தை மாற்றிய திமுக அரசே மக்களிடம் மன்னிப்பு கேட்க வேண்டும் என்றும், பெண்களுக்கு பாதுகாப்பு வழங்க நடவடிக்கை எடுக்க வேண்டும் என்றும் வலியுறுத்தினார். இந்த ஆர்ப்பாட்டத்தில் நூற்றுக்கும் மேற்பட்ட பாஜக மகளிர் அணி மற்றும் மாவட்ட நிர்வாகிகள் கலந்து கொண்டனர்.