அரசு ஆசிரியர் மகள் ஹாஷினி, 10ம் வகுப்பில் மாவட்ட அளவில் முதலிடம்

மன்னார்குடி அன்னவாசல் சேனியத் தெருவைச் சேர்ந்த ராஜா, வடகாரவயல் அரசு நடுநிலைப் பள்ளியில் பட்டதாரி ஆசிரியராகப் பணியாற்றி வருகிறார். இவரின் மகள் ஹாஷினி, மன்னார்குடி தூயவளனார் பெண்கள் மேல்நிலைப் பள்ளியில் 10ஆம் வகுப்பு பொதுத் தேர்வில் 496/500 மதிப்பெண்கள் பெற்று திருவாரூர் மாவட்ட அளவில் முதலிடம் பிடித்துள்ளார். கணக்கு மற்றும் சமூக அறிவியல் பாடங்களில் 100% மதிப்பெண்களும், தமிழ் மற்றும் அறிவியல் பாடங்களில் 99% மதிப்பெண்களும், ஆங்கிலத்தில் 98% மதிப்பெண்களும் பெற்றுள்ளார். இவரை எம்.எல்.ஏ. எஸ்.காமராஜ் உள்ளிட்டோர் பாராட்டி வருகின்றனர்.