செய்தியாளர் கேள்வி? கடித்துக் கொண்ட பிஜேபி தலைவர் நயினார்

தமிழகம் தலை நிமிர தமிழனின் பயணம் என்ற பிரச்சாரத்தின் ஒரு பகுதியாக, பாஜக மாநில தலைவர் நயினார் நாகேந்திரன் கோவில்பட்டியில் தீப்பெட்டி தொழில்துறையினருடன் கலந்துரையாடினார். இந்த நிகழ்ச்சியில் அதிமுக முன்னாள் அமைச்சர் கடம்பூர் செ. ராஜூவும் பங்கேற்றார். செய்தியாளர்களை சந்தித்த நயினார் நாகேந்திரன், பீகார் தேர்தல், INDIA கூட்டணி, காங்கிரஸ் கட்சியின் தோல்வி மற்றும் தமிழக வாக்காளர் பட்டியல் திருத்த நடவடிக்கைகள் குறித்து விமர்சித்தார். இறந்தவர்கள் வாக்களிக்க வேண்டுமா என்றும், தவறான பணிக்காக ஆதரவு கேட்கப்படுகிறதா என்றும் அவர் கேள்வி எழுப்பினார். திமுக மற்றும் தவெக இடையேயான போட்டி குறித்து கேட்டபோது, தேர்தல் முடிந்த பின்னரே தெரியும் என்றும், திமுக ஆட்சி தொடரக்கூடாது என்பதற்காக அதிமுக ஒன்றுபட வேண்டும் என்றும் தான் நினைத்ததாகக் கூறினார். திமுக வெற்றிக்கு நீங்கள் உதவுகிறீர்களா என்ற செய்தியாளரின் கேள்விக்கு அவர் கடுமையாக எதிர்வினையாற்றினார்.