புதிய 5 மகளிர் ‘விடியல்’ பேருந்துகள் சேவை துவக்கம்

திருச்செந்தூர் பேருந்து நிலையத்தில், மீன்வளம், மீனவர் நலன் மற்றும் கால்நடை பராமரிப்பு துறை அமைச்சர் திரு. அனிதா ஆர். ராதாகிருஷ்ணன் அவர்கள், மாவட்ட ஆட்சித்தலைவர் திரு. க. இளம்பகவத் தலைமையில், இன்று (03.12.2025) புதிய 5 மகளிர் ‘விடியல்’ பயண பேருந்துகளை கொடியசைத்து துவக்கி வைத்தார். பெண்கள் பாதுகாப்பாகவும் வசதியாகவும் பயணிக்க மாநில அரசு மேற்கொண்டு வரும் முயற்சியின் ஒரு பகுதியாக இந்த பேருந்துகள் இயக்கப்படுகின்றன. அமைச்சர் பேசுகையில், பெண்கள் பயண பாதுகாப்பை மேம்படுத்துவது அரசின் முக்கியக் குறிக்கோள் என்றும், இப்புதிய பேருந்துகள் மாவட்டத்தின் பல பகுதிகளில் பெண்களுக்கு பயனுள்ளதாக இருக்கும் என்றும் கூறினார்.