தூத்துக்குடியில் அதிகரிக்கும் போக்குவரத்து நெருக்கடி!

தூத்துக்குடி மாநகராட்சியில் வாகனங்களின் எண்ணிக்கை அதிகரிப்பால் போக்குவரத்து நெரிசல் நாளுக்கு நாள் மோசமடைந்து வருகிறது. சாலைகளில் வாகனங்கள் நிறுத்தப்படுவதும், சாலையோரங்களில் கட்டிடக் கழிவுகள் குவிப்பதும் இதற்கு முக்கிய காரணங்களாக உள்ளன. குறிப்பாக பள்ளி நேரங்களில் பள்ளிகளுக்கு அருகில் ஏற்படும் கடும் நெரிசலால் மாணவர்களும் பொதுமக்களும் பாதிக்கப்படுகின்றனர். எனவே, சாலைகளில் வாகன நிறுத்தத்தைக் கட்டுப்படுத்தவும், கழிவுகளை அகற்றவும் மாநகராட்சி மற்றும் காவல்துறை உடனடியாக நடவடிக்கை எடுக்க வேண்டும் என பொதுமக்கள் வலியுறுத்தியுள்ளனர்.