தூத்துக்குடி - கச்சகுடா இடையே புதிய வாராந்திர ரயில் சேவை

தூத்துக்குடி மற்றும் ஹைதராபாத் (கச்சகுடா) இடையே புதிய வாராந்திர விரைவு ரயில் சேவை வருகிற ஏப்ரல் 8, 2026 முதல் தொடங்கப்பட உள்ளது. இந்த ரயில் புதன்கிழமை காலை 7:40 மணிக்கு தூத்துக்குடியில் இருந்து புறப்பட்டு மறுநாள் கச்சகுடாவை சென்றடையும். அதேபோல், திங்கட்கிழமை மாலை 7:00 மணிக்கு கச்சகுடாவில் இருந்து புறப்பட்டு மறுநாள் தூத்துக்குடி வரும். மதுரை, திருச்சி, தஞ்சாவூர், விழுப்புரம், திருவண்ணாமலை போன்ற முக்கிய நகரங்கள் வழியாக செல்லும் இந்த ரயில், தென் தமிழக மக்கள், வணிகர்கள், மாணவர்கள் மற்றும் பயணிகளுக்கு மிகவும் பயனுள்ளதாக இருக்கும் என்று எதிர்பார்க்கப்படுகிறது.