ஆவணங்கள் இன்றி தங்கி இருந்தநைஜீரியநாட்டைச் சேர்ந்த 4பேர்கைது

திருப்பூர் மற்றும் சுற்றுவட்டாரப் பகுதிகளில் பின்னலாடை நிறுவனங்களில் பணிபுரியும் வடமாநிலத் தொழிலாளர்கள் லட்சக்கணக்கில் தங்கியுள்ளனர். இவர்களில் சிலர் சட்டவிரோதமாக தங்குவதாகக் கிடைத்த தகவலின் பேரில், அவினாசி அடுத்த கணேசபுரம் வைஷ்ணவி கார்டன் பகுதியில் நைஜீரியாவைச் சேர்ந்த 4 பேர் உரிய ஆவணங்கள் இன்றி தங்கியிருந்தது தெரியவந்தது. அவர்களின் பாஸ்போர்ட் மற்றும் விசா காலாவதியாகியிருந்த நிலையில், ஐகென்னா மேக்னஸ் (50), ரீட்டா அவியான்போ (43), பிடிலிஸ் ஓனெரெக்லோ (46), இசுசுக்குவு ஜான் (40) ஆகிய 4 பேர் கைது செய்யப்பட்டனர். அவர்கள் அவினாசி நீதிமன்றத்தில் ஆஜர்படுத்தப்பட்டு, சென்னை புழல் சிறையில் அடைக்கப்பட்டனர்.