விதிமீறி மின் இணைப்பு – உதவி மின் பொறியாளர் பணியிடை நீக்கம்

திருப்பூரில் அனுமதியின்றி கட்டப்பட்ட அடுக்குமாடி கட்டடத்திற்கு விதிமுறைகளை மீறி மின் இணைப்பு வழங்கிய விவகாரத்தில், 16 மின் இணைப்புகள் துண்டிக்கப்பட்டு, உதவி மின் பொறியாளர் தற்காலிகமாக பணியிடை நீக்கம் செய்யப்பட்டுள்ளார். இது குறித்து மின்வாரிய மேற்பார்வை பொறியாளர் கூறுகையில், புகாரின் அடிப்படையில் விசாரணை நடைபெற்று வருவதாகவும், விதிமீறலுக்கு எதிராக கடும் ஒழுங்கு நடவடிக்கை தொடரும் என்றும் தெரிவித்தார். இந்த சம்பவம் பெரும் சர்ச்சையை ஏற்படுத்தியுள்ளது.