தொழிலாளிக்கு அரிவாள் வெட்டு

திருப்பூரில், கட்டிட தொழிலாளி சங்கர் (35) தனது தம்பி நந்தகுமார் (20) உடனான தகராறில் அரிவாளால் வெட்டப்பட்டார். நேற்றுமுன்தினம் இரவு வீட்டில் ஏற்பட்ட வாக்குவாதத்தின் போது, சங்கர் நந்தகுமாரின் மோட்டார் சைக்கிளை எடுத்ததால் பிரச்சனை பெரிதானது. ஆத்திரமடைந்த நந்தகுமார், சங்கரின் தலை மற்றும் காலில் அரிவாளால் வெட்டியதாக கூறப்படுகிறது. அக்கம்பக்கத்தினர் மீட்டு திருப்பூர் அரசு மருத்துவமனையில் அனுமதித்தனர். தெற்கு போலீசார் கொலை முயற்சி வழக்குப்பதிவு செய்து நந்தகுமாரை கைது செய்தனர்.