திருப்பூரில் வைகாசி விசாகத் திருத்தேரோட்டம் கோலாகலம்

திருப்பூர் மாநகரில் உள்ள அருள்மிகு விசாலாட்சியம்மன் சமேத ஸ்ரீவிஸ்வேஸ்வர சுவாமி திருக்கோவிலில் வைகாசி விசாகத் திருத்தேரோட்டம் 2026 மே 30 அன்று வெகு விமரிசையாக நடைபெற்றது. மக்கள் வெள்ளம் மற்றும் சிவனடியார் பெருமக்களின் பங்களிப்புடன், 'ஓம் நமசிவாய' மந்திரம் முழங்க பக்தர்கள் வடம் பிடித்து தேரினை இழுத்து வழிபட்டனர். திருத்தேர் ஈஸ்வரன் கோவில் வீதி, புது மார்க்கெட் வீதி, அரிசிக்கடை வீதி, காமராஜர் சாலை வழியாகச் சென்று தேர் நிலையை அடைந்தது. திருப்பூர் தெற்கு காவல் நிலையத்தின் சார்பில் காவல்துறை பாதுகாப்பு வழங்கப்பட்டிருந்தது.