திருவண்ணாமலை தீபத் திருவிழா: 24-ல் கொடியேற்றம்

திருவண்ணாமலை அருணாசலேஸ்வரர் கோயிலில் தீபத் திருவிழா வரும் 24ஆம் தேதி கொடியேற்றத்துடன் தொடங்குகிறது. இந்த 10 நாள் விழாவின் முக்கிய நிகழ்வுகளாக, டிசம்பர் 3ஆம் தேதி அதிகாலை பரணி தீபமும், அன்றைய தினம் மாலை 6 மணிக்கு 2,668 அடி உயர மலை உச்சியில் மகா தீபமும் ஏற்றப்பட உள்ளன. ஆண்டுதோறும் மகா தீபம் ஏற்றுவதற்காக, 1,150 மீட்டர் காடா துணி, 4,500 கிலோ நெய் பயன்படுத்தப்படும். இந்த மகா தீபம் 11 நாள்கள் பக்தர்களுக்கு காட்சி அளிக்கும்.