பலமிழந்து காணப்படும் காமக்கூா் எரியின் கரை விவசாயிகள் அச்சம்

திருவண்ணாமலை மாவட்டம், ஆரணியை அடுத்த காமக்கூா் பெரிய ஏரி பலத்த மழையால் நிரம்பி, 20 ஆயிரம் ஏக்கர் விவசாய நிலங்களுக்கு பாசன வசதி அளிக்கிறது. இந்த ஏரியின் உபரிநீர் மேலும் 7 ஏரிகளுக்கு செல்கிறது. இருப்பினும், கடந்த இரண்டு ஆண்டுகளாக ஏரிக்கரை பலமிழந்து விரிசல் ஏற்பட்டுள்ளது. விவசாயிகள் புகார் அளித்தும் பொதுப்பணித்துறை நடவடிக்கை எடுக்கவில்லை என கூறப்படுகிறது. ஏரிக்கரை உடைந்தால், பயிர்கள் சேதமடையும் அபாயம் உள்ளதால், உடனடியாக நடவடிக்கை எடுக்க விவசாயிகள் கோரிக்கை விடுத்துள்ளனர்.