வந்தவாசி: கோழி வியாபாரி லாரி மோதி பரிதாப பலி

வந்தவாசி அடுத்த கீழ்சாந்தமங்கலம் இந்திரா நகரைச் சேர்ந்த அசாருதீன் (25) என்பவர், இறைச்சி கோழிகளை வேனில் ஏற்றி சேத்துப்பட்டு, பெரணமல்லூர் பகுதிகளில் உள்ள கடைகளுக்கு விற்பனை செய்துவிட்டு வீடு திரும்பிக் கொண்டிருந்தார். வந்தவாசி-சேத்துப்பட்டு சாலை வங்காரம் கூட்ரோடு அருகே எதிரே வந்த லாரி மீது அவரது வேன் மோதியதில், உடல் நசுங்கி சம்பவ இடத்திலேயே உயிரிழந்தார். பொன்னூர் போலீசார் சடலத்தைக் கைப்பற்றி பிரேத பரிசோதனைக்கு அனுப்பி, வழக்குப்பதிவு செய்து விசாரணை நடத்தி வருகின்றனர்.