போளூரில் லஞ்சம் வாங்கிய சர்வேயர் கைது

போளூர் தாலுகா அலுவலகத்தில் சர்வேயராகப் பணியாற்றும் சக்திவேல் (42), வீட்டை அளவீடு செய்ய ரூ.6 ஆயிரம் லஞ்சம் கேட்டதாகக் கூறப்பட்ட புகாரின் பேரில், ரூ.5 ஆயிரம் லஞ்சம் பெற்றபோது லஞ்ச ஒழிப்புத் துறையினரால் கைது செய்யப்பட்டார். சின்னராசு என்பவர் அளித்த தகவலின் அடிப்படையில், திருவண்ணாமலை ஊழல் தடுப்பு மற்றும் கண்காணிப்புப் பிரிவு போலீஸார் ரசாயனம் தடவிய பணத்தை வழங்க ஏற்பாடு செய்து, ஆய்வாளர் அருள் பிரசாத் தலைமையிலான குழுவினர் சர்வேயரைக் கைது செய்து வட்டாட்சியர் அலுவலகத்தில் விசாரணை நடத்தினர்.