அருணாசலேஸ்வரர் கோயிலில் பிரதோஷ வழிப்பாடு.

திருவண்ணாமலை அருணாசலேஸ்வரர் கோவிலில் கார்த்திகை மாத தேய்பிறை பிரதோஷத்தையொட்டி, ராஜகோபுரம் அருகே உள்ள பெரிய நந்திக்கு சிறப்பு பூஜைகள் நடைபெற்றன. நினைத்தாலே முக்தி தரக்கூடிய திருவண்ணாமலையில், இன்று (17ம் தேதி) கார்த்திகை சேமவார பிரதோஷத்தை முன்னிட்டு, மாலை 4.30 மணி முதல் 6 மணி வரை அண்ணாமலையார் கோயிலில் 5ம் பிரகாரத்தில் அமைந்துள்ள பெரிய நந்திக்கு விபூதி, மஞ்சள், பால், தயிர், சந்தனம் உள்ளிட்டவற்றால் சிறப்பு அபிஷேகமும், ஆராதனைகளும் நடந்தன. இதில் ஏராளமான பக்தர்கள் கலந்துகொண்டு தரிசனம் செய்தனர்.