வேலூர் மாவட்ட ஆட்சியரின் அதிரடி அறிவிப்பு!

வேலூர் மாவட்ட ஆட்சியர் சுப்புலட்சுமி, ஊரக மற்றும் உள்ளாட்சி அமைப்புகள் கட்டுப்பாட்டில் உள்ள ஏரிகள், குளங்கள் மற்றும் நீர்வரத்து கால்வாய்களை மழைநீர் முறையாக தேக்கும் வகையில் தூர்வாரி, ஆக்கிரமிப்புகளை அகற்றி சீரமைக்க உத்தரவிட்டுள்ளார். மேலும், பொதுப்பணித் துறை கட்டுப்பாட்டில் உள்ள நீர்வழித்தடங்களில் உள்ள ஆக்கிரமிப்புகளை அகற்றி, மழைநீர் தடையின்றி செல்வதற்கு ஏதுவாக பராமரிக்கவும் அறிவுறுத்தியுள்ளார். இந்த நடவடிக்கைகள் மூலம் மழைநீர் சேகரிப்பு மேம்படுத்தப்படும் என எதிர்பார்க்கப்படுகிறது.