சூர்யாவின் 'கருப்பு' திரைப்படத்திற்கு விஜய் தேவரகொண்டா, விஷ்ணு விஷால் வாழ்த்து

RJ பாலாஜி இயக்கத்தில் சூர்யா நடித்து திரையரங்குகளில் வெற்றிகரமாக ஓடிக்கொண்டிருக்கும் 'கருப்பு' திரைப்படத்திற்கு பாராட்டுகள் குவிந்து வருகின்றன. தெலுங்கு நடிகர் விஜய் தேவரகொண்டா மற்றும் தமிழ் நடிகர் விஷ்ணு விஷால் ஆகியோர் தங்களது X பக்கத்தில் படக்குழுவினரை பாராட்டியுள்ளனர். சூர்யாவின் அசாத்திய உழைப்பை பாராட்டிய விஜய் தேவரகொண்டா படக்குழுவிற்கு வாழ்த்துக்களை தெரிவித்ததுடன், தமிழ் சினிமாவிற்கு தேவையான ஒரு பெரிய பிளாக்பஸ்டர் படமிது என விஷ்ணு விஷால் தனது பதிவில் நெகிழ்ச்சியுடன் குறிப்பிட்டுள்ளார்.