திமுகவில் இணைந்த அதிமுக முன்னாள் எம்எல்ஏ ஹரிதாஸ்

திண்டிவனம் தொகுதியின் அதிமுக முன்னாள் எம்எல்ஏ ஹரிதாஸ், முதல்வர் ஸ்டாலினை நேரில் சந்தித்து திமுகவில் இணைந்துள்ளார். விழுப்புரம் மாவட்டம் திண்டிவனம் அருகே கொள்ளாரில் முதல்வர் ஸ்டாலின் நலத்திட்ட உதவிகள் வழங்கும் விழாவில் பங்கேற்க வந்தபோது, அச்சரப்பாக்கம் அருகே உள்ள தனியார் ஹோட்டலில் செஞ்சி மஸ்தான் தலைமையில் ஹரிதாஸ் திமுகவில் இணைந்தார். மருத்துவரான ஹரிதாஸ், 2011ஆம் ஆண்டு அதிமுக சார்பில் திண்டிவனம் தொகுதியில் வெற்றி பெற்றவர். சட்டசபை தேர்தல் நெருங்கும் நிலையில், அரசியல்வாதிகள் கட்சி மாறும் சூழலில் இந்த இணைப்பு முக்கியத்துவம் பெற்றுள்ளது. வட மாவட்டங்களில் திமுகவின் பலம் அதிகரித்து வருவதாகக் கருதப்படுகிறது.