திண்டிவனத்தில் பெண் மீது தடியடி நடத்திய காவலர் மீது புகார்

விழுப்புரம் மாவட்டம் திண்டிவனத்தைச் சேர்ந்த தேவி என்ற பெண், அங்காளம்மன் கோவில் மயானக் கொள்ளை நிகழ்வின்போது பாதுகாப்புப் பணியில் இருந்த தலைமை காவலர் அன்புமணி தடியால் தாக்கியதில் காயமடைந்ததாகக் கூறப்படுகிறது. இச்சம்பவம் குறித்து தேவி மற்றும் உறவினர்கள் விழுப்புரம் மாவட்ட காவல் கண்காணிப்பாளர் சாய் பிரனீத்திடம் புகார் அளித்துள்ளனர். காவலர் மீது உரிய விசாரணை நடத்தி நடவடிக்கை எடுக்கப்படும் என அதிகாரிகள் உறுதி அளித்துள்ளனர். பொது இடத்தில் பெண் மீது காவலர் தாக்குதல் நடத்தியதாகக் கூறப்படும் இச்சம்பவம் பெரும் பரபரப்பை ஏற்படுத்தியுள்ளது.