விழுப்புரம்: பிளாஸ்டிக் மறுசுழற்சி ஆலையில் தீ விபத்து

விழுப்புரம் மாவட்டம் விக்கிரவாண்டி நெடுஞ்சாலையில் பரணி என்பவருக்குச் சொந்தமான பிளாஸ்டிக் மறுசுழற்சி ஆலையில் நேற்று இரவு பயங்கர தீ விபத்து ஏற்பட்டது. மாவட்ட அலுவலர் பாஸ்கர் தலைமையில் விழுப்புரம் மற்றும் விக்கிரவாண்டி தீயணைப்பு நிலையங்களிலிருந்து 14 வீரர்கள் கொண்ட தீயணைப்புப் படையினர் 3 மணி நேரம் போராடி தீயை அணைத்தனர். இந்த விபத்தில் சுமார் 25 லட்சம் ரூபாய் மதிப்பிலான பிளாஸ்டிக் பொருட்கள் மற்றும் 2 அரவை இயந்திரங்கள் முற்றிலும் எரிந்து சேதமடைந்தன.