ஒழுங்குமுறை விற்பனை கூடத்தில்விலை நிர்ணயம்செய்யாததால் மறியல்

விழுப்புரம் ஒழுங்குமுறை விற்பனை கூடத்தில் நெல், உளுந்து, மணிலா உள்ளிட்ட பொருட்களை விற்பனைக்குக் கொண்டு வந்த விவசாயிகளுக்கு, கொள்முதல் விலை அறிவிக்கப்படாததாலும், அறிவிக்கப்பட்ட விலை குறைவாக இருந்ததாலும், அதிகாரிகள் சரியான விளக்கம் அளிக்காததாலும் ஆத்திரமடைந்தனர். இதனால், விழுப்புரம்-புதுச்சேரி சாலையில் சுமார் 40 நிமிடங்களுக்கு மேல் சாலை மறியல் போராட்டத்தில் ஈடுபட்டனர். இணைய சேவை பாதிப்பால் தாமதம் ஏற்பட்டதாகவும், உடனடியாக நடவடிக்கை எடுக்கப்படும் என அதிகாரிகள் உறுதியளித்ததை அடுத்து விவசாயிகள் போராட்டத்தைக் கைவிட்டனர். இதனால் விற்பனை கூடத்தில் பரபரப்பு ஏற்பட்டது.