விழுப்புரம் மாணவன் இந்தியா நம்பர்-1 ஜூனியர் கேரம் சாம்பியன்

விழுப்புரம் மாவட்ட மாணவர் V. பவன் குமார், மத்தியப் பிரதேசத்தின் குவாலியரில் நடைபெற்ற 50வது ஜூனியர் தேசிய கேரம் சாம்பியன்ஷிப் போட்டியில் தமிழ்நாடு அணிக்காக பங்கேற்று, அணிச் சாம்பியன்ஷிப் மற்றும் தனிநபர் ஜூனியர் ஆண்கள் பிரிவில் தங்கப் பதக்கங்கள் வென்றுள்ளார். நவம்பர் 1 முதல் 4 வரை நடைபெற்ற இந்தப் போட்டியில் இரண்டு தங்கப் பதக்கங்களையும் இரண்டு கோப்பைகளையும் வென்ற பவன் குமார், விழுப்புரம் மாவட்டத்திற்கும் தமிழ்நாட்டிற்கும் பெருமை சேர்த்துள்ளார். கடந்த மூன்று ஆண்டுகளாக தேசிய அளவில் பதக்கங்கள் பெற்று வரும் இவர், தற்போது இந்தியாவின் நம்பர்-1 ஜூனியர் தேசிய கேரம் சாம்பியனாக உயர்ந்துள்ளார்.