விழுப்புரத்தில் பெண்ணிடம் நகையை பறித்த வாலிபர் கைது

விழுப்புரம் பானாம்பட்டு ரயில்வே கேட் அருகே வாகன சோதனையில் ஈடுபட்டிருந்தபோது, மோட்டார் சைக்கிளில் வந்த பிரதாப் (27) என்பவரை போலீசார் பிடித்து விசாரித்தனர். விசாரணையில், கடலூர் மாவட்டம் மாளிகைமேட்டைச் சேர்ந்த பிரதாப், கடந்த 18-ம் தேதி விழுப்புரம் மாதா கோவில் பஸ் நிறுத்தம் அருகே மஞ்சுளா என்பவரிடம் 6 பவுன் நகையைப் பறித்து விற்றது தெரியவந்தது. இதையடுத்து, போலீசார் பிரதாப்பைக் கைது செய்து, மீதமுள்ள 10 கிராம் நகை, செல்போன் மற்றும் மோட்டார் சைக்கிளைப் பறிமுதல் செய்தனர்.