புதிய தமிழகம் கட்சியின் நிறுவனத் தலைவர் பேட்டி

விருதுநகர் மாவட்டம் அருப்புக்கோட்டையில் புதிய தமிழகம் கட்சியின் தலைவர் கிருஷ்ணசாமி செய்தியாளர்களை சந்தித்தார். வரும் சட்டமன்ற தேர்தலை மிக முக்கியமான தேர்தலாக கருதுவதாகவும், 2021 சட்டமன்ற தேர்தலில் வெற்றி பெற்று ஆட்சிக்கு வந்த திமுக 505 வாக்குறுதிகளை அளித்து ஆட்சிக்கு வந்ததாகவும், ஆனால் அதில் சிலவற்றை மட்டுமே நிறைவேற்றிவிட்டு மற்ற அனைத்தையும் கைவிட்டதாகவும் அவர் குற்றம் சாட்டினார். கடந்த ஐந்து ஆண்டுகளில் ஏழைகள் மேலும் ஏழைகளாகவும், வசதி படைத்தவர்கள் மேலும் வசதி படைத்தவர்களாகவும் மாறியுள்ளதாகவும், சட்டமன்ற உறுப்பினர்களும் அமைச்சர்களும் வளம் பெற்றுள்ளதாகவும், ஏழை மக்கள் மோசமான நிலையில் உள்ளதாகவும் அவர் தெரிவித்தார். 2026ல் ஆட்சி மாற்றம் அவசியம் என்றும், திமுக ஆட்சி அகற்றப்பட வேண்டும் என்பதே புதிய தமிழகம் கட்சியின் நிலைப்பாடு என்றும் அவர் பேசினார்.