விலை இல்லாத மிதிவண்டி மாணவர்களுக்கு வழங்கிய அமைச்சர்

விருதுநகர் மாவட்டம் அருப்புக்கோட்டையில் உள்ள தேவாங்கர் ஆண்கள் மேல்நிலைப்பள்ளி வளாகத்தில், பள்ளி கல்வித்துறை சார்பில் பிற்படுத்தப்பட்டோர், மிகவும் பிற்படுத்தப்பட்டோர் மற்றும் சிறுபான்மையினர் நலத்துறை சார்பில் மாணவ மாணவியர்களுக்கு விலையில்லா மிதிவண்டி வழங்கும் நிகழ்ச்சி இன்று நடைபெற்றது. இதில் தமிழக வருவாய் மற்றும் பேரிடர் மேலாண்மை துறை அமைச்சர் கே.கே.எஸ்.எஸ்.ஆர். ராமச்சந்திரன் கலந்துகொண்டு 415 மாணவ மாணவியர்களுக்கு இலவச மிதிவண்டிகளை வழங்கினார். விருதுநகர் மாவட்டத்தில் மொத்தம் 16,585 மாணவ மாணவியர்களுக்கு விலையில்லா மிதிவண்டிகள் வழங்கப்பட உள்ளன.