இராஜபாளையம்: ஏடிஎம் மோசடியில் ஈடுபட்ட இருவர் கைது

ராஜபாளையத்தில் ஏடிஎம் இயந்திரத்தில் பணம் எடுக்கும்போது மோசடி செய்து ரூ. 1.15 லட்சம் திருடியதாக வேலூரைச் சேர்ந்த கார்த்திக் (27), பார்த்திபன் (24) ஆகிய இருவர் கைது செய்யப்பட்டனர். ரமேஷ் (57) என்பவர் ஏடிஎம்-ல் பணம் எடுக்கச் சென்றபோது, உதவியது போல் நடித்து அவரது கார்டை மாற்றி, ரூ. 40,000 பணம் எடுத்ததுடன், மேலும் ரூ. 75,000-க்கு பொருட்கள் வாங்கியுள்ளனர். ரமேஷ் அளித்த புகாரின் பேரில், சிசிடிவி பதிவுகளைக் கொண்டு விசாரணை நடத்திய போலீஸார், இருவரையும் கைது செய்து, வாகனத்தையும் கைப்பற்றி சிறையில் அடைத்தனர்.