இளைஞர்களுக்கு திறன் வேலைவாய்ப்பு பயிற்சிகள் வழங்கப்படவுள்ளது

தமிழ்நாடு ஆதிதிராவிடர் வீட்டுவசதி மற்றும் மேம்பாட்டுக் கழகம் (தாட்கோ) ஆதிதிராவிடர் மற்றும் பழங்குடியின இளைஞர்களுக்கு பல்வேறு திறன் அடிப்படையிலான பயிற்சிகளை வழங்குகிறது. சென்னையில் உள்ள தனியார் நிறுவனத்துடன் இணைந்து, உலக தர உணவு சேவை, சூழலியல் சுற்றுலா, உயர் தொழில்நுட்ப AI, ஆடை வடிவமைப்பு மற்றும் அழகுக்கலை போன்ற பயிற்சிகள் அளிக்கப்படவுள்ளன. உணவு சேவை மற்றும் சுற்றுலா பயிற்சிகளுக்கு 18-25 வயதுடைய பனிரெண்டாம் வகுப்பு தேர்ச்சி பெற்றவர்களும், ஆடை வடிவமைப்பு மற்றும் அழகுக்கலை பயிற்சிகளுக்கு 18-40 வயதுடைய பத்தாம் வகுப்பு தேர்ச்சி பெற்றவர்களும் விண்ணப்பிக்கலாம். பயிற்சிகள் மூன்று மாத கால அளவு கொண்டவை. www.tahdco.com இணையதளத்தில் விண்ணப்பிக்கலாம்.