நகராட்சி அலுவலகம் முன்பு தரையில் அமர்ந்து தர்ணா

விருதுநகரில், ராமமூர்த்தி சாலையில் உள்ள நகராட்சி மைதானத்தில் திங்கட்கிழமை தோறும் செயல்பட்டு வந்த வாரச் சந்தையை மூட நகராட்சி நிர்வாகம் உத்தரவிட்டதால், சுமார் 100க்கும் மேற்பட்ட விவசாயிகள் அதிர்ச்சியடைந்தனர். சந்தை அமைக்க அனுமதி மறுக்கப்பட்டதால், விவசாயிகள் நகராட்சி அலுவலகம் முன்பு தரையில் அமர்ந்து தர்ணா போராட்டத்தில் ஈடுபட்டனர். திமுக நகர் மன்ற தலைவர் மாதவனை வியாபாரிகள் வழிமறித்து சந்தை அமைக்க அனுமதி கோரினர். அவர் ஆணையரை சந்திக்குமாறு கூறி தப்பிச் சென்றார். வியாபாரிகள் மாவட்ட ஆட்சியரிடம் மனு அளிக்கச் சென்றனர். காவல் துறையினர் மற்றும் நகராட்சி ஊழியர்கள் பேச்சுவார்த்தை நடத்தி, ஒரு நாள் வியாபாரம் செய்ய அனுமதிப்பதாகவும், ஆணையர் ஊரில் இல்லாததால் நாளை பேச்சுவார்த்தை நடத்தப்படும் என்றும் கூறினர். இதை ஏற்க மறுத்த வியாபாரிகள் மாவட்ட ஆட்சியரிடம் மனு அளிக்கச் சென்றனர்.