வார இறுதி விடுமுறை: தமிழகம் முழுவதும் 1,000 சிறப்பு பேருந்துகள் இயக்கம்

வார இறுதி மற்றும் மஹாவீர் ஜெயந்தி விடுமுறையை முன்னிட்டு, பயணிகளின் வசதிக்காக நாளை (மார்ச் 27) முதல் 3 நாட்களுக்கு தமிழகம் முழுவதும் 1,000 சிறப்பு பேருந்துகள் இயக்கப்பட உள்ளன. சென்னை கிளாம்பாக்கம், கோயம்பேடு உள்ளிட்ட முனையங்களிலிருந்து திருச்சி, மதுரை, கோவை போன்ற முக்கிய நகரங்களுக்கு கூடுதல் பேருந்துகள் இயக்கப்படும் என அரசு அறிவித்துள்ளது. கூட்ட நெரிசலை தவிர்க்க பயணிகள் TNSTC இணையதளம் அல்லது செயலி மூலம் முன்கூட்டியே முன்பதிவு செய்துகொள்ள அறிவுறுத்தப்பட்டுள்ளனர்.