కొత్తగూడెం - Kothagudem

తెలంగాణ ప్రాథమిక విద్యలో 'జీరో డ్రాపౌట్స్' సాధించి దేశానికే ఆదర్శంగా నిలిచిందని నీతి ఆయోగ్ నివేదిక వివరించింది. గత పదేళ్లలో బాలికల విద్య, సెకండరీ స్థాయిలో 101.5 శాతం నమోదుతో రాష్ట్రం రికార్డు సృష్టించింది. ప్రాథమిక స్థాయిలో బాలికల గ్రాస్ ఎన్‌రోల్‌మెంట్ రేషియో (GER) జాతీయ సగటును మించి 115.6 శాతంగా నమోదైంది. ప్రాథమికోన్నత, సెకండరీ, హయ్యర్ సెకండరీ స్థాయిల్లోనూ బాలికల నమోదు గణనీయంగా పెరిగింది. పాఠశాలల్లో మరుగుదొడ్లు, విద్యుత్ సదుపాయాలు మెరుగుపడ్డాయి. అయితే, కంప్యూటర్లకు ఇంటర్నెట్, దివ్యాంగుల కోసం ప్రత్యేక మరుగుదొడ్ల ఏర్పాటుపై దృష్టి సారించాల్సిన అవసరం ఉందని నివేదిక పేర్కొంది.