వైభవ్‍ను జట్టులోకి తీసుకోవాలి: ఇర్ఫాన్ పఠాన్

15 ఏళ్ల వైభవ్ సూర్యవంశీ ఐపీఎల్‌లో తన అద్భుత బ్యాటింగ్‌తో సంచలనం సృష్టిస్తున్నాడు. ముంబై ఇండియన్స్‌తో జరిగిన మ్యాచ్‌లో 14 బంతుల్లో 39 పరుగులు చేశాడు. గతంలో జస్ప్రీత్ బుమ్రా బౌలింగ్‌లో ఔటైనా, ఈసారి ఆయన బౌలింగ్‌లో భారీ పరుగులు సాధించాలన్న తన లక్ష్యాన్ని చేరుకున్నాడు. వైభవ్ ప్రతిభను ప్రశంసించిన మాజీ ఆల్ రౌండర్ ఇర్ఫాన్ పఠాన్, అతన్ని వెంటనే జాతీయ జట్టులోకి తీసుకోవాలని బీసీసీఐకి సూచించాడు. చెన్నై సూపర్ కింగ్స్‌తో జరిగిన మ్యాచ్‌లో 17 బంతుల్లో 52 పరుగులు చేసి, టీమిండియా భవిష్యత్ ఆశాకిరణంగా మారుతున్నాడు.